XII–XVI əsrlərdə inşa edilmiş Şirvanşahlar sarayı (İçərişəhər, Bakı) haqlı olaraq təkcə Azərbaycanın deyil, həm də bütün orta əsr Şərqinin memarlıq incisi sayılır.

“BUTALI” brendinin ustaları saray kompleksinin divarlarındakı saysız-hesabsız oyma naxışlardan ilhamlanaraq “Şirvanşah” kolleksiyasını yaratmışlar. Bu kolleksiyaya sırğalar, qolbaq dəsti və əsasını altıbucaqlı həndəsi fiqur təşkil edən və sıra ilə düzülmüş dekorativ kompozisiya fraqmentlərindən ibarət olan uzun zəncirli “Opera” üslublu boyunbağı daxildir. Bu dekorasiyanın motivi Şirvanşahlar sarayının divarlarında açılmış oyuqları bəzəyən “şəbəkə” formalı daş barmaqlıqlardır.

Kompozisiyaya “pusset” sıxaclı asma sırğalar və müxtəlif rəngli altıbucaqlı naxışın əsas fon rənginə uyğun dəri qayış formasında hazırlanmış bilərziklər daxildir.