“BUTALI” ustalarının yaratdığı “Muğam” kolleksiyası qədim vaxtlardan günümüzə kimi gələn və ecazkar naxışlarda donub-qalmış melodiyaya bənzəyir.

Rəng seçimi sayəsində bu kolleksiyadan olan zərgərlik məmulatları öz adını tam doğruldur – burada bütün rəng çalarları bir arada toplanaraq bu zinət əşyalarında təzadlı, əks-sədalı və bir-birini tamamlayan muğam melodiyası kimi parıldayır.

“BUTALI” sənətkarları müxtəlif buta elementlərinin improvizəli ornamental uyğunluğundan olduqca effektiv şəkildə istifadə etməyi bacarırlar. Onlar dekor medalyon kompozisiyalarını qeyri-adi gözəlliyə malik sırğa və üzüklərin əsas dairəvi konturu ilə birləşdirərək sanki bir çox dünya ölkəsində dinləyiciləri valeh edən muğamın geniş poetik-musiqi kompozisiyasını ifadə edirlər.