Bütün Şərqdə həyatın rəmzi və təbiətin dirçəliş simvolu olan buta bir çox inanca görə evləri şər qüvvələrdən və bədnəzərdən qoruyur.

Buta xalq arasında çox məşhur motivdir və dekor elementi kimi Şərq zərgərləri tərəfindən geniş istifadə olunub. Buta xüsusilə Azərbaycanda (müxtəlif formalarda) geniş yayılmışdır və bunlardan biri də sevgi və sədaqət rəmzi olan “Qoşa buta”dır.

“BUTALI” brendinin iki sırğa və bir kulondan ibarət eyniadlı kolleksiyasının əsasını da zinət əşyasının əsas elementinin gövdəsinə məharətlə həkk olunmuş dairəvi “İslimi” naxışlı qoşa buta təşkil edir.